Отандық танымал продюсер Тимур Балымбетов алғаш рет әке атанды. Жас жұбайлардың көптен күткен сәбиі дүниеге келді, деп хабарлайды "Адырна" ұлттық порталы.
Бұл қуанышты жаңалығымен Тимур Балымбетовтың өз Instagram парақшасында бөлісті.
- Бүгін Балымбетов Иса Тимурұлы дүниеге келді. Біз оны армандадық, дұға тілеп, ұзақ күттік. Жаратушыға мың алғыс. Иса мен Лаураның жағдайы жақсы. Олар қазір демалып жатыр. Бізге қолдау білдіріп, біз үшін дұға жасаған баршаңызға рахмет. Лаура сені мақтан тұтамын. Саған деген махаббатым шексіз. Достар, мен енді әкемін!", - деп жазды продюсер.
Айта кетейік, ерлі-зайыптыны барша желі қолданушылары құттықтап, ақ тілектерін жаудырып жатыр. Олардың қатарында Балымбетовтың достары актриса Альмира Тұрсын, әнші Лидо, Данияр Әлшінов, Қарлығаш Мұхамеджанова, Гулнәр Сілбаева, Индира Еділбаева, Ерке Есмахан және тағы басқалары бар.
"Адырна" ұлттық порталы
