Бокстан Сербияның Белград қаласында өтіп жатқан әлем чемпионатында қазақстандық боксшы Асланбек Шымбергенов ширек финалға жолдама алды, деп хабарлайды "Адырна" ұлттық порталы.
Чемпионаттың 1/8 айналымында Шымбергенов Германия атынан шығатын кавказдық боксшы Магомед Шахидовпен кездескен болатын. Жекпе-жек Асланбектің басымдығы айқын байқалды.
Төрешілер екі раунд қорытындысы бойынша жеңісті қазақстандық боксшыға берген.
Ал үшінші раундтың соңында Шымбергеновтің жойқын соққысынан Шахидов есеңгіреп қалды. Осыдан соң, төрешілер кездесуді дереу тоқтатып, Асланбек мерзімінен бұрын жеңіске жетті.
"Адырна" ұлттық порталы
