Ресейлік вакцина әзірлеуші екпе алған адам COVID-19-ды неге жұқтыратынын айтты

2464
Adyrna.kz Telegram

Гамалея атындағы Эпидемиология және микробиология ұлттық ғылыми орталығының директоры, коронавирус инфекциясына қарсы "Sputnik V" ресейлік вакцинаны әзірлеуші Александр Гинцбург вакцина алған адамдардың неге COVID-19-ды жұқтыратынын айтты, деп хабарлайды "Адырна" ұлттық порталы "Риа-Новостиге" сілтеме жасап.

-Вакцина алғандар да ауру жұқтырып алады, өйткені "дельта штамм" жағдайында жасушалар әрекет етіп үлгермейді, - деді ол. — Дельта штамм жасушалармен өзара әрекеттесу тәсілін өзгерткен. Вирус антиденелердің төмен деңгейінің фонында жасушаларға еніп үлгереді. Әдетте, алты-сегіз айдан кейін антидене титрі ауырған адамдарда төмендей бастайды, бірақ жасушалардың жады қалады, бірақ олар инфекциядан кейінгі екінші немесе төртінші күні антиденелерді шығара бастайды, бұл өте кеш, - дейді вакцинаны әзірлеуші.

Оның айтуынша, вирус бір жасушадан екіншісіне, олардан шықпай таралады және өте көп мөлшерде жинақталады.

Гинцбург қандағы антиденелердің үнемі жоғары болуы, яғни жарты жылда бір рет вакциналауды қажет ететінін атап өтті.

 

"Адырна" ұлттық порталы.

Пікірлер