Facebook компаниясы атауын өзгертпек

2277
Adyrna.kz Telegram

Facebook компаниясы атауын жаңашаландырмақ. “Meta” деп өзгертуге шешім қабылданған,деп хабарлайды Риа Новости.

"Бүгіннен бастап Meta деп аталамыз", - деді Цукерберг "метағалам" компаниясының тұсаукесері кезінде.

Сондай-ақ, ол компания логотипін таныстырды. Ол - көк Мебиус жолағы.

"Маған бұрын классикалық зерттеу ұнайтын және Meta сөзі гректің "кейін" деген сөзінен шыққан. Бұл мен үшін әрқашан басқа дүние жасауға болатынын білдіреді", - деді Цукерберг.

Оның айтуынша, жаңа бренд компания назарын "метағаламға" аударады. Онда адамдар экраннан бас тартып, виртуал шындықта болу әсерін сезінеді.

"Біз үшін Facebook емес, "метағалам" бірінші орында. Бұл уақыт өте келе басқа қызметтерімізді пайдалану үшін Facebook қажет болмайтынын білдіреді", - деп түсіндірді Цукерберг презентация кезінде.

“Адырна” ұлттық порталы

Пікірлер