Ангела Меркель қызметінен кетті

1839
Adyrna.kz Telegram

Енді Ангела Меркель және Германия үкіметінің қалған мүшелері жаңа үкімет құрылғанға дейін атқарушы ретінде өз қызметтерін орындайды деп хабарлайды "Адырна" ұлттық порталы "Reuters" сайтына сілтеме жасап.

Ангела Меркельге Германия канцлері ретінде өкілеттілігі аяқталғаны туралы ресми хабарлама табысталды. Құжатты Германия президенті Франк-Вальтер Штайнмайер тапсырып, оған, Үкіметке алғыс айтты. Штайнмайер Меркель канцлер болған уақытты "Германия тарихындағы ұлы күндер" деп атады.

Германия Конституциясының 69-бабына сәйкес Президент канцлерден немесе министрден келесі адам тағайындалғанға дейін қызметін жалғастыруды талап ете алады. Канцлер де, министр де бұдан бас тарта алмайды.

Жаңа канцлер Социал-демократиялық партияның жетекшісі Олаф Шольц болады деп болжанып отыр, оның партиясы 25,7 пайыз дауыс жинап, 26 қыркүйекте өткен бундестаг сайлауында жеңіске жеткен еді.

 

"Адырна" ұлттық порталы.

Пікірлер