Өзбекстанда құрастырылған "Isuzu" жапондық маркалы 210 жаңа автобус Бішкекке әкелінді. Алайда оған азаматтар, тіпті шенеуніктер наразы деп хабарлайды "Адырна" ұлттық порталы "centralasia.mediа" сайтына сілтеме жасап.
"Олардың құрылымы нашар, сыйымдылығы аз және арбалары бар аналарға және қозғалысы шектеулі жолаушыларға көлікпен жүруге мүмкіндік бермейді, себебі табаны биік" — делінген "Present Time" телеарнасының видеорепортажында.
Биылғы жылдың жазында Өзбекстан Қырғыз Республикасына газ қозғалтқыш отынымен жергілікті өндірістің жапондық «ISUZU» маркалы экологиялық таза кемінде 350 автобусын жеткізетіні хабарланған болатын. Автобустардың бірінші партиясы 2021 жылдың 1 шілдесіне дейін Бішкектің маршруттық желілеріне жеткізілді.
"Адырна" ұлттық порталы
