Олимпиада чемпионы Серік Сәпиев не себепті Спорт және дене шынықтыру істері комитетінің төрағасы лауазымынан босатылғанын түсіндірді, деп хабарлайды «Адырна» тілшісі.
«Достар! Мен Спорт және дене шынықтыру істері комитеті төрағасы қызметінен өз еркіммен кетуге шешім қабылдадым. Осы қызметті атқарған жылдары жанымда көмек еткен барша басшыға және әріптесіме рахметімді білдіремін! Алайда, еліміздің спорт саласында еңбек ететін боламын», - деп мәлімдеді ол.
Айта кетейік, спортшы бұл қызметке 2019 жылы тағайындалған еді.
«Адырна» ұлттық порталы
