Өзбекстанда тауарлар туралы ақпаратты тек мемлекеттік тілде беру міндеттелмек

3282
Adyrna.kz Telegram

Өзбекстанда бұдан былай тауарлар (жұмыстар, қызметтер) туралы ақпарат мемлекеттік - өзбек тілінде берілу міндеттеледі, деп хабарлайды "Адырна" ұлттық порталы.

Өзбекстан Заң шығару палатасының депутаты Расул Көшербаевтың айтуынша, бұл бастаманы «Тұтынушылардың құқықтарын қорғау туралы» заңға өзгерістер енгізу арқылы мақұлдау жоспарлануда.

Депутаттың айтуынша, заңда өндіруші (орындаушы, сатушы) сонымен қатар тұтынушыға мемлекеттік тілде сауда мен қызмет көрсету ережелері туралы ақпарат беруі тиіс деп көрсетілген.

Бұл ретте бұл ақпаратты өзбек тілінде де, басқа тілдерде де беруге болатыны айтылды.

«Менің ойымша, бұл біздің өмірдегі мемлекеттік тілдің маңыздылығын арттыруға бағытталған қадам болады», - деп жазды Көшербаев өзінің Telegram -каналында.

Заң жобасын Заң шығару палатасының депутаттары қабылдады және мақұлдау үшін Сенатқа жіберілді.

Бұған дейін 2 қазанда, Ташкент маңындағы Шыршық қаласында мемлекеттік тілде сөйлесу мәдениетін насихаттау және басқа тілдерден енген сөздердің орнына өзбек тіліндегі баламаларды қолдануға шақыру акциясы өтті. Бұл әрекет әлеуметтік желілерде орыс тілді қолданушылардың наразылығын тудырды.

"Адырна" ұлттық порталы

Пікірлер