Қор нарығына қызығушылығыңыз бар ма?

506

Қазақстандағы экономикалық белсенді жеке тұлғалардың (9,167 млн адам) 2% ғана қор нарығына қызығушылық білдіреді екен. Мұны осы мақсатта ашылған шотпен есептеп отырған сияқты.

Мұндай шоттардың саны 188 009 екен. Тамыз айында тек осының 8 мыңы ғана акция сатып алу-сату операциясын жүргізген. Бұл экономикалық белсенді адамдардың 0,08%. Ресейде бұл көрсеткіш 15%, шетелде 30-40% кем емес екен.

"Қазақстандықтардың қор нарығына қызығушылығы артуы үшін инфляция мен базалық мөлшерлеме төмендеуі керек, депозит қызықсыз болып қалғанда халық басқа құралдарды іздей бастайды.

Алайда 2024 жылға дейін қазақстандық құралдарды сатып алу-сатуға үйретіп үлгереміз бе, өйткені сол жылдан бастап ЕАЭО аясында бірыңғай қаржы алаңы жұмыс істей бастайды, ресейлік қаржы өнімдері бізде еркін жұмыс істейді, ал біз олармен бәсекелесе алмаймыз", дейді Андрей Чеботарев kapital.kz-тегі мақаласында.

Ербол АЗАНБЕК,

"Адырна" ұлттық порталы

Пікірлер
Редакция таңдауы