«Жағдайы өте ауыр»: Арон Атабектің қызы мәлімдеме жасады

17900

Ақын, диссидент Арон Атабектің жағдайы ауыр. Бұл туралы оның қызы Айдана Айдархан мәлімдеді, деп хабарлайды «Адырна» тілшісі.

«Әкем әлі де өздігінен қозғала алмайды. Қол-аяғы істемейді. Бұл ұрып-соғудың, азаптаудың, және қорқынышты жағдайда жалғыз қамауда отырудың салдарынан болып отыр. Демікпе мен жөтел кесірінен сөйлеуі қиын. Оған ең тиімді және жылдам терапия, толық және сенімді медициналық тексеруден өту қажет. Аронның денсаулық жағдайы өте ауыр. Белсенділер мен журналистер отбасымыздың өтінішіне құлақ асып, әкеммен жеке кездесуді сұрамағаны үшін көп рахмет айтамын. Жақын арада ол күш жинап, баспасөз мәслихатын өткізгісі келеді»,— деді ол.

«Адырна» ұлттық порталы

Пікірлер
Редакция таңдауы