Германияда Екінші дүниежүзілік соғыс кезінде жұмыс істеген Берлин маңындағы Заксенхаузен концлагерінің 100 жастағы бұрынғы күзетшісі сотқа берілді, ол 3518 адамның өліміне қатысы бар деп айыпталуда. Бұл туралы "Адырна" ұлттық порталы хабарлайды.
БАҚ-тың үлкен қызығушылығы мен коронавирусқа байланысты шектеулерге байланысты одан әрі процесс Бранденбург-на-Хафеле қаласындағы түзеу мекемесінің спортзалында өтеді. Бұл процеске куәгерлер - нацистік лагерьдің бұрынғы тұтқындары қатыспақ.
Тергеу мәліметтеріне сәйкес, ол концлагерьде жұмыс істей отырып, кеңестік әскери тұтқындардың атылуына ықпал етіп, улы газдың көмегімен тұтқындарды өлтіруге көмектескен деген болжам бар. Сонымен қатар, концлагерь тұтқындары «адам төзгісіз жағдай жасау» нәтижесінде қайтыс болған, бұл ретте айыпталушы да айтулы рөл атқарыпты.
Прокурор Томас Вилль басылымға неліктен дәл осы күзетшіге байланысты іс қозғалғанын түсіндірді.
- Біз Мәскеудегі орталық мемлекеттік әскери мұрағатында Қызыл Армияның трофей құжаттарын зерттей бастағанға дейін айыпталушы туралы ештеңе білмедік. Біз оның орналасқан жерін анықтаған кезде, алдын-ала тергеу жүргізіп, оның жеке басын және Заксенхаузенде қызмет еткен уақытын анықтағаннан кейін, 2019 жылдың наурызында істі прокуратураға тапсырдық, - дейді прокурор Томас Вилль.
Қазіргі уақытта неміс сот төрелігі Екінші дүниежүзілік соғыс кезінде жасалған нацистік қылмыстарға байланысты 17 күдікті ісімен айналысуда. Барлық күдіктілер кем дегенде 95 жаста.
- Ұлттық социализм қылмыстары үшін сотқа тарту уақыты сөзсіз аяқталады: тағы бірнеше жыл, енді біреуді қудалау мүмкін болмайды. Айыпталушылар бұдан былай тірі қалмайды немесе олар қартайғанына байланысты сот алдында жауап бере алмайды, - дейді басылым.
Айта кетейік, Берлиннің солтүстігінде орналасқан Ораниенбургтегі Заксенхаузен концлагерьі ұлттық социализм кезеңінде ерекше орынға ие болды. 1936 жылы құрылыс аяқталғаннан кейін ол басқа концлагерьлерге үлгі болды, кейінірек нацистік концлагерьлер жүйесінің әкімшілік орталығына айналды. Мұнда барлығы 200 мыңнан астам адам қамауда болған.
"Адырна" ұлттық порталы
