Жириновский: Ресейге жалынып, сыйынып отырасыңдар!

4209

"Ұлыбритания қыста аязда қатып қалмауы үшін, Ресейге жалынып, сыйынуы керек" дейді Ресей саясаткері Владимир Жириновский. 

Еуропада газ бағасының тым қымбаттап кетуі бірқатар химия өндірісі саласындағы кәсіпорындардың жұмысын тоқтатып тастады. Бұл әсіресе Ұлыбританияға ауыр тиюде. Газ тапшылығы тасымалдауға кедергі келтіріп, Ұлыбритания қалаларында ет жеткізу және етті тоңазытқыштарда сақтау қиынға соғуда. Жанармай бекеттерінде ұзынсонар кезек пайда болған.

Жириновский бұл дағдарысқа қатысты өз ойын білдірді.

"Шешімі қандай? Лондон тез арада Шотландия, Уэльс, Ирландияға тәуелсіздік беріп, Мәскеуден 100 мың жанармай тасушыны жіберуін және полиция қызметкерлерімен қамтамасыз етуін сұрауы тиіс. Олай етпесе Ұлыбритания ел ретінде жойылуы мүмкін.  Еуропаның шығысында Камчаткадан Кавказға дейін ұлы, қуатты держава жатқанын ұмытпау керек, ол ешкімді қиындықта қалдырмайды. Ресейге сыйынып, жалыну керек!" - деді ол.

"Адырна" ұлттық порталы

Пікірлер
Редакция таңдауы