Ойыннан өрт шықты: әзілдесемін деп әкесін өлтіріп алды (видео)

1889

Өзбекстанда жас жігіт жасы келген әкесіне қалжыңдап, селт еткізбек болып, өлтіріп алды, деп хабарлайды "Адырна" ұлттық порталы Express Qazaqstan-ға сілтеме жасап.

Бейнежазбада егде кісі есіктен шығып, қонақ күтуге арналған аулада үстелдердің арасымен кетіп барады. Баласы үстелдердің бірінің астына жасырып отырады. Әкесі маңынан өте берген кезде жамылып алған матасын желбіретіп, аруақ секілді бірден атып шыққан. Әкесінің селт еткенін ол Тik tok-қа жүктемек болыпты.

https://aitube.page.link/aUJj

Оғаштау әзіл әкесінің өліміне түрткі болды. Шошып кеткен әкесі бірнеше секундтан соң жүрек тұсын ұстап, жерге бүктеліп құлап түскен. Баласы орнынан тұрғызбақ болып, әкесінің жанына жүгіріп барады.

Айта кетейік, бұл жайт Өзбекстан тұрғындарының жағасын ұстатып отыр. Осы бейнежазбаның астына жұрт "ақымақ" деген бір ғана сөз жазып жатыр.

"Адырна" ұлттық порталы

Пікірлер
Редакция таңдауы