АҚШ пен Моңғолия "Хангай-21" бірлескен жаттығуларын өткізуде

538

Моңғолия Төтенше жағдайлар жөніндегі бас басқармасы АҚШ елшілігімен және әскери-азаматтық қатынастарды қолдау бөлімімен бірлесіп,12-24 қыркүйек аралығында Архангай аймағында "Хангай-21" табиғи апаттардың салдарын жою бойынша бірлескен оқу-жаттығу жиындарын өткізеді, деп хабарлайды "Адырна" ұлттық порталы.

"Хангай-21" -бұл дүлей зілзалалардың салдарын жою жөніндегі апталық оқу-жаттығу және моңғол және американдық авариялық-құтқару қызметтері арасындағы ведомствоаралық үйлестіру.

Тренингті АҚШ Әскери-азаматтық қатынастарды қолдау тобының нұсқаушылары өткізеді.

Төтенше жағдайлар жөніндегі бас басқарма басшысының орынбасары, бригадир генерал Б. Ууганбаяр жиындар аясында ұйымдастырылатын іс-шаралар туралы ақпарат берді. Оның айтуынша, Моңғолияда жер сілкінісі жиілеп кетті. Сондықтан оқу-жаттығу кезінде төтенше жағдайларға дайындық пен ден қоюды қамтамасыз ету және АҚШ мамандарының басшылығымен құтқарушылардың біліктілігін арттыру бойынша тренингтер ұйымдастырылады. Осы мақсатта американдық мамандар өздерінің құтқару құралдарын әкелді. Ұйымдастыру тобы жиналыс өткізіп, оқу-жаттығудың ерекшеліктері мен іс-шаралары туралы ақпарат алмасты.

Естеріңізде сала кетейік, Моңғолияның Төтенше жағдайлар жөніндегі бас басқармасы Моңғолияның қарулы күштерін қолдау мақсатында оқу-жаттығулар өткізуде. Оқу-жаттығу "өңірлік басқару мен өзара іс-қимылды ұйымдастыру" тақырыбы шеңберінде ұйымдастырылады және нақты жағдайға жақын жағдайларда оқыту мен практиканы қоса алғанда, екі кезеңде өтеді.

"Адырна" ұлттық порталы

Пікірлер
Ұқсас жаңалықтар