Ақтөбеде кәмелет жасына толмаған қыз баласы өз үйінде зорланды, деп хабарлайды «Адырна» тілшісі «Диапазон» басылымына сілтеме жасап.
3 қыркүйек күні полицияға Жұбановтар көшесіндегі пәтерлердің бірінде кәмелетке толмаған бала зардап шекті деген ақпарат келіп түскен. Белгісіз біреу есікті қағып, үйде жалғыз отырған қызға жыныстық зорлық-зомбылық көрсеткен.
«Күдіктіні бірнеше сағаттың ішінде анықтап, ұстадық. ҚР ҚК 120-бабының 4-бөлігі (зорлау) бойынша сотқа дейінгі тергеу басталды. Қылмыстық іс полиция департаменті басшылығының бақылауында», - деді тәртіп сақшылары.
«Адырна» ұлттық порталы