Ирандық каратеші Саджад Ганджзаде 75 келіге дейінгі салмақ дәрежесінде Олимпиаданың чемпионы атанды. Ол финалдық жекпе-жекте нокаутқа түсіп, жеңіске жеткенін есін жиғаннан соң білді, деп хабарлайды «Адырна» тілшісі.
Ганджзаде Сауд Арабиясының өкілі Тарек Хамедимен "алтын" үшін күрескен болатын.
Кездесу 4-1 есебімен аяқталды. Сонымен қатар, Хамеди ирандықты нокаутқа түсірді. Талып қалған спортшыны медицина қызметкерлері бірден зімбілмен алып кетті.
Жекпе-жек барысында Хамеди Ганджзаденің мойнына тыйым салынған соққы жасағандықтан, жеңіс ирандық спортшыға берілді.
«Адырна» ұлттық порталы