"КЕҢ БОЛСАҢ, КЕМ БОЛМАЙСЫҢ!"
Шағын дәмханада отырғанбыз. Екі адам келіп: "бес кофе, екеуі өзімізге, үшеуін іліп қойыңыз" деді де, екі кофе ішіп шығып кетті. Біз түсінбей қалдық, олар бесеуіне де ақша төледі ғой.
Сәлден соң үш жас жігіт келіп, жеті кофе, төрт бутербродқа тапсырыс беріп, толықтай төледі де, үш кофесін ішіп қалғанын іліп қойыңыз деп орындарынан тұрды. Біз дәмхана қызметшісінен "ілінген кофе, бутерброд" деген не деп сұрамақшы бола бергенде, ішке өңі, киімі жүдеу бір қария кірді де "мен үшін ілінген дәм бар ма" деп сұрады.
Қайырымдылықтың бұл түрі Италияның Неаполь қаласынан бастау алған. Адамдар өзі жеген астан бөлек, кедей, мұқтаж жандар үшін алдын-ала ақша төлеп кетеді. (желіден аударылған).
"Әлемді сұлулық құтқарады" дейміз. Дегенмен мына "бірі кем дүниеде" адамды қайырымдылық құтқарады деп әлеуметтік жағдайы төмендерді назарымызда ұстасақ дұрыс болар еді. Бәріміз атсалыссақ екен осындай нәрселерді өз жүрген жерімізде қалыптастыруға.
Рамазан АЖНИЯЗОВТЫҢ
фейсбук парақшасынан
