Қазақстан халқының саны 19 миллионға жетті. Бұл туралы Қасым-Жомарт Тоқаев Twitter желісінде жазды, деп хабарлайды «Адырна» тілшісі.
«Тәуелсіздіктің 30 жылдығы қарсаңында Қазақстан халқының саны тарихи межеге жетті. Алматы облысында дүниеге келген Жәния Азаматқызы еліміздің он тоғыз миллионыншы азаматы ретінде тіркелді. Жәния — отбасында төртінші бала. Ата-анасы мен қазақстандықтарды осы қуанышпен құттықтаймын. Бауы берік болсын!»– деп Мемлекет басшысы қуанышты жаңалықпен бөлісті.
«Адырна» ұлттық порталы