ЛДПР басшысы Владимир Жириновский коронавирусқа қарсы екпе алмайтындарға қарсы Ресейде заңның қатаңданатынын ескертті. Жириновскийдің сөзінше күзде өтетін Мемлекеттік Дума сайлауынан кейін мемлекет вакцинаға қарсыларды түрмеге аттандыратын заңды қабылдамақ.
"Егер бір адамнан коронавирус анықталса және соның кесірінен біреуге вирус жұқса, онда бітті, біз ол адамды түрмеге жібереміз. Өйткені сол жұқтырған, кінәлі", — деді Жириновский.
Жириновский ресейліктер ерте ме, кеш пе барлығы дерлік вакцина алатынын ескертті. "Вакцина алмағандар вирус жұқтырып, өліп жататын болады" дейді ол. Ал тележүргізуші Александр Мясников болса "халықтың вакцинаға қарсы болуына БАҚ кінәлі, себебі телеарналар антивакциналық жарнамаларды көрсетуге бейім" дейді.
"Адырна" ұлттық порталы
