Қадыров вакцина алмағандарға азық-түлік сатуға тыйым салды

951

Шешен Республикасындағы азық-түлік дүкендері вакцинация сертификаты бар адамдарға ғана қызмет ете бастады. Ережені бұзған сауда орындары Рамзан Қадыровтың жеке тапсырмасы бойынша жабылады, деп хабарлайды «Адырна» ұлттық порталы.

Ел басшысы жергілікті тұрғындар енді коронавирусқа қарсы вакцинациясыз тамақ сатып ала алмайды деген жарлық шығарды.

Қазірдің өзінде Грозныйдағы бірнеше ірі азық-түлік дүкендері жабылды. Олар сатып алушылардан вакцина сертификатын талап етпей, азық-түлік сатқан.

Сауда қызметкерлері Қадыровтың жарлықтарынан шаршағандықтарын айтып, вакцина алғысы келмейтін қарт адамдарға нан сата алмай отырғандарын айтып ашуланады.

Сонымен қатар Рамзан Қадыров мұсылмандарға вакцинация сертификатынсыз мешіттерге баруға тыйым салды.

"Адырна" ұлттық порталы

Пікірлер
Ұқсас жаңалықтар