Өзбекстанның Халыққа білім беру министрлігі мектепте хиджаб киюге болмайтынын түсіндірді. Өзбекстанның Халыққа білім беру министрлігі өз талабын «Мемлекеттік орта мектептердің оқушылары үшін заманауи форманы енгізу тәртібі туралы» заңның ережелерімен негіздейтін мәлімдеме жасады.
Білім министрлігінің мәліметінше, ережеге сәйкес, орта мектептерде ер балаларға сақал өсіруге, пирсинг жасауға және татуировка салуға, ұлдарға ұзын сипатта шаш өсіруге және оларды ашық түстерге бояуға тыйым салынады.
Қыздарға дененің ашық жерлеріне пирсинг жасауға және татуировка салуға, шашты ашық түстерге бояуға, жарқын макияжға, маникюр жасауға, тырнақ өсіруге, құлаққа бірнеше сырға тағуға және саусаққа сақина тағуға тыйым салынады.
Министрлік сондай-ақ жарғының 7-бабы студенттердің білім беру мекемесінің ғимаратына шляпасыз кіруі керектігін ескертті.
Министрліктің мәлімдемесіне 5 шілдеде «Ар-ождан бостандығы және діни ұйымдар туралы» Заңның жаңа редакциясы қабылданғаннан кейін журналистер мен әлеуметтік желі қолданушыларының орамал тағуға қатысты бірқатар сұрақтары түрткі болды. Президент Шавкат Мирзиёевтің үстіміздегі жылдың 5 шілдесінде қол қойған заңы хиджаб пен басқа діни киімдерді қоғамдық орында киюге тыйым салуды алып тастады.
"Адырна" ұлттық порталы
