26 жастағы Балқаш қаласының тұрғыны жантүршігерлік топтық зорлау оқиғасына түскендігін айтты. Оның әңгімесін әлеуметтік желілерде «NeMolchi.kz» қоғамдық қоры жариялады, деп хабарлайды "Адырна" порталы.
Жарияланған ақпаратқа сәйкес, Балқаш тұрғынын зорлау 23 маусымға қараған түні болған. Сол күні кешке ол дүкенге балаларға айран мен нан сатып алуға барды. Алайда, ол содан соң үйіне оралмады. Жоғалған әйелдің күйеуі оны туыстарынан, жақындары мен таныстарынан іздей бастады. 25 маусымда сәтсіз жүргізілген іздеуден кейін ол полицияға оның жоғалғандығы туралы хабарлады.
Осы кезде зорлық жасады деген күдікке іліккендер, қордың мәлімдеуінше, жәбірленушіні дүкеннен үйге келе жатқанда бақылаған. Ер адамдардың бірі жәбірленушімен таныс болып шықты.
Ер адамдар әйелді мәжбүрлеп көліктеріне отырғызып, далаға апарып, түні бойы зорлаған деген болжам бар. Олар сондай-ақ оны ұрып-соғып, мазақ еткен, тіпті оған темекі отын сөндірген. Таңертең олар оқиға құрбанын далаға лақтырып, кетіп қалды.
«Оқиғадан кейін жәбірленуші ештеңеге қарамастан полицияға жүгінуге шешім қабылдады. Бірақ полиция оған қысым көрсетті. Оның жағдайын көрсе де туыстарына айтпады. Тек оның табылғанын айтты. Сот сарапшыларының сараптамасында тіпті біреу оны балағаттап және жағдайдың жай-жапсарын анықтауда қолын бір-ақ сілтеген», - дейді NeMolchi.kz қоры.
Сондай-ақ, қор өкілдері полиция қызметкерлері жәбірленушіге қарағанда зорлағандарға көбірек сенетіндігін айтты.
«Тергеу кезінде көптеген сұрақтар қойылды, бірақ менің ойымша, оларды қоюдың еш пайдасы жоқ. Олар әйелді әдеттегідей жезөкше мен маскүнем жасап, ол бәрімен бірге осындай әрекетке баруға құмар, оған темекіні сөндіруге мүмкіндік беретін, қабырғасын ұрып, «өзара жыныстық қатынасқа» разы болатын, аяғы және арқасындағы көгерген аймақтарының бәріне өзі кінәлідей әйелді айыптайды» деп қосты қор.
Жағдайға Қарағанды облысының полиция департаментінде түсініктеме берілді. Министрліктің хабарлауынша, әйелдің жоғалуы туралы мәлімдеме Балқаш полициясына 25 маусымда сағат 12.45-те түскен. Сол күні, сағат 16.00-де іздеуде жүрген әйелдің өзі Балқаш полиция бөліміне келді, ол зорланғаны туралы хабарлады.
Аталған факті бойынша ҚР Қылмыстық кодексінің 120-бабы 2-бөлігі «Топтық зорлау» бойынша қылмыстық іс тіркелді.
"Полиция қызметкерлері екі ер адамды анықтап, ұстады, олардың бірі жәбірленушіні 2012 жылдан бері біледі. Ұсталғандар болған оқиғаның өз нұсқасын ұсынды. Тергеу барысында сараптамалар тағайындалды, онда шындықты анықтау үшін алғашқы шаралар қабылданды", - деді Қарағанды облысы Департаментінің тергеу бөлімінің бастығы Рүстем Құлкеев.
Департамент сонымен бірге жедел-тергеу тобы істің барлық мән-жайларын жан-жақты, толық және объективті тергеу және жәбірленушінің дәлелдерін тексеру үшін Балқаш қаласына жіберілгенін қосты. Қылмыстық істі тергеу барысы Қарағанды облысының полиция департаменті басшылығының бақылауында.
"Адырна" ұлттық порталы
