Тәжікстанның шекара қызметі 300-ден астам ауған әскери қызметшісінің елге кіруіне рұқсат берді деп хабарлайды "Адырна" ұлттық порталы "Ховар" агенттігіне сілтеме жасап.
Жоғарыдағы шешімнің себебі — «гуманизм мен тату көршілік қағидаларына жетекшілік ету».
Ауған әскері жеке құрамды сақтау үшін Талибан қозғалысының (Ресей Федерациясында қызметіне тыйым салынған ұйым) содырларымен болған шайқастан кейін шегінуге мәжбүр болды.
Естеріңізге сала кетейік, Ауғанстанның Бадахшан провинциясының Тәжікстанмен шекаралас бірнеше аймағында әскерилер мен лаңкестер арасында шайқас басталды. Содырлар аймақтың бірқатар ауылдарын басып алды.
"Адырна" ұлттық порталы.
