Сенат пен мәжіліс депутаттары каникулға кетті. Бұл туралы Парламент палаталарының бірлескен отырысында айтылды, деп хабарлайды «Адырна» тілшісі.
Мәжіліс Төрағасы Нұрлан Нығматулин өткен сессияда 63 заң жобасы қабылданғанын, оның 58-іне Президент қол қойғанын және күшіне енгенін атап өтті. Пандемияға қарамастан, парламент өз жұмысын бір күнге де тоқтатпаған. Екі палатаның жұмысында Мәжіліс пен Сенат депутаттары әзірлеген және бастамашылық жасаған 24 заң жобасы болып, олардың 15-і қабылданған.
Отырысқа сенаттың 44, мәжілістің 100 депутаты қатысты.
Айта кетейік, депутаттар қыркүйек айына дейін демалады.
«Адырна» ұлттық порталы
