Қытайда Синхуа университетінің компьютер ғылымдары мен технологиялар факультетіне Хуа Чжибин есімді виртуал (жасанды) студентті қабылданған деп хабарлайды "Адырна" ұлттық порталы Sixth Tone басылымына сілтеме жасап.
"Хуа Чжибин адамдар мен жасанды ақылдың байланысына ықпал етеді. Ол шығармашылық жұмысты орындау үшін студенттермен өзара әрекеттесе алады және ынтымақтаса алады», — дейді IT-маман Пэн Шуан.
Оның кураторы Хуа өлең жазып, сурет сала алатынын айтады. Сонымен қатар өзінің ішкі сезімін де білдіре алу қабілеті де бар екен. Оқудың бір жылынан кейін Хуа 12 жасар баланың деңгейіне жетеді. Осылайша алдағы уақытта жасанды интеллект пен адамдар арасындағы қарым-қатынас жақсарады дейді мамандар.
Айта кету керек, бұл жобаның түпкі мақсаты — жасанды ақылдың роботтарға қарағанда адамдарға көбірек ұқсай түсуіне жағдай жасау.
"Адырна" ұлттық порталы.
