Нұр-Сұлтан қаласының әкімі Алтай Көлгінов қала тұрғындарына үндеу жасады, деп хабарлайды «Адырна» тілшісі. Ол көпшілікті сырқаттанған адамдардың статистикасына бей-жай қарамауға шақырды.
«Құрметті елорда тұрғындары мен қонақтары! Біз әлі де «қызыл аймақтамыз». Күнделікті COVID-19 инфекциясының 250-300 жағдайы анықталады. Бір жағынан бұл ПТР-тестілерінің санын көбейту арқылы, екінші жағынан оқшаулау мен санитарлық нормалардың бұзылуынан болып отыр. Қала тұрғындарын сырқаттанған адамдардың статистикасына бей-жай қарамауға шақырамын. Әрбір санның артында бір адамның өмірі, олардың отбасыларының тағдыры тұр. Медициналық рұқсаты жоқ және әлі вакцинацияланбаған адамдар отпен ойнап жүргенін білмейді: олар ерте ме, кеш пе жеңіледі. Бұл ретте өз денсаулығын ғана емес, туыстарына, жақындарына және қоршаған ортаға қауіп төндіреді»,– деді Көлгінов.
Сондай-ақ қала басшысы жаңа оқу жылы қашықтан оқыту форматында болатынын атап өтті.
«Күзде жаңа оқу жылы басталады. Бірақ балаларымыз үшін мектептерді қайта аша алмаймыз»,– деп жазды ол.
«Адырна» ұлттық порталы
