Ауыр салмақтағы аты аңызға айналған бұрынғы әлем чемпионы Мұхаммед Әлидің немересі Нико Али Уолш 14 тамызда кәсіби рингте дебют жасайды, деп хабарлайды «Адырна» тілшісі.
Жекпе-жекті Top Rank компаниясы өткізеді.
1966 жылы дәл осы компанияның басшысы Боб Арум промоутерлік мансабындағы алғашқы жекпе-жекті Мұхаммед Әли үшін ұйымдастырған еді.
«Менің атам Боб Арумнан басқа промоутермен бірге болғанымды қаламайтынын білемін. Сіздер Дон Кингтің менің атаммен және Майк Тайсонмен қалай араласқанын көрдіңіздер. Бокста көп адамға сенуге болмайды, ал Боб Арум тек бұл салада ғана емес, жалпы бизнесте де құрметке ие адамдардың бірі»,— деді Уолш.
«Адырна» ұлттық порталы
