Жүре берсең көре бересің. Қырғызстанда жергілікті кәсіпкер шегірткеден ұн өндіретін ферма ашқан. Ұн өндіру үшін алдымен шегірткені 30 градус температурада өсіреді екен. Бұл туралы "Адырна" ұлттық порталы хабарлайды.
30 градус температурада өскен бұл шегірткелер кейін қуырылып, ұнтақталып ұнға айналады. Ұнның 1 келісі 80 доллар. Шегіртке ұны дәруменге, ақуызға бай, пайдалы өнім. Спортшыларға арналған тағамдар мен түрлі нан өнімі дайындалады.
Адыл Гарапов, ферма басшысы:
– Ұнды сатып алғысы келетін бірнеше компаниялармен келіссөз жүргізіп жатырмыз. Әзірге үлкен көлемді тауармен қамтамасыз ете алмаймыз. Шегіртке ұнынан протеинді тоқаштар мен спорттық тағамдар немесе салмақ тастағысы келетіндерге арналған арнайы тағам түрлерін дайындауға болады.
"Адырна" ұлттық порталы
