Универсиада туы Yessenov university-ге табысталды

591

Тарихы терең Түркістан жерінде «Түркістан — түркі әлемінің рухани астанасы» атауымен Қожа Ахмет Яссауи атындағы Халықаралық қазақ-түрік университетінің ұйымдастыруымен өткен ХІ жазғы универсиаданың жабылу салтанатында Универсиада туы Yessenov university-ге табысталды.

40 күнге созылған Студенттер Олимпиадасына 60 жоғарғы оқу орны 30 спорт түрінен сайысқа түсті. Олардың арасында Есенов университеті студенттері де бар. Олар қазақша күреа, грек-рим күресі, дзюдо және кикбоксинг секілді бірнеше спорт түрінен жүлделі орындарды қанжығасына байлады.

Келесі ХІІ Республикалық жазғы Универсиада 2023 жылы киелі Маңғыстауда, Ш.Есенов атындағы Каспий технологиялар және инжиниринг университетінде өтеді.
Түрлі халықаралық жарыстарға қатысып, Қазақстанның атын шығарып жүрген, өңірімізден түлеп ұшқан спортшылардың басым бөлігі — өңіріміздегі Есенов университетінің студенттері және түлектері.

Жастардың спортқа деген қызығушылығын арттырып, жан-жақты шынығуы үшін университетте 2 жабық спорт зал, 13 ашық спорт алаңы, жүзу бассейні бар спорт кешені жұмыс жасайды.
Алдағы уақытта 3 мың орындық стадион да салу жоспарлануда.

"Адырна" ұлттық порталы

Пікірлер
Ұқсас жаңалықтар