Америкалық ғалым: COVID‐26 мен COVID‐32 пайда болуы мүмкін

2551
Adyrna.kz Telegram

Америкалық ғалым, коронавирус және жұқпалы аурулар жөніндегі сарапшылардың бірі Питер Хотез Covid-19-дың шығу тегін мұқият зерттемеген жағдайда COVID-26 және COVID-32 пайда болуы мүмкін екенін айтты, деп хабарлайды «Адырна» тілшісі.

"Бұл ХХІ ғасырдағы үшінші ірі індет яки коронавирустық пандемия (SARS және MERS–тен кейін). Табиғат ана егер COVID-19-дың қалай пайда болғанын анықтамасақ, COVID-26 және COVID-32 болатынын ескертіп жатыр",– деді ол NBC News телеарнасына берген сұхбатында.

Сарапшы вирусологтар мен эпидемиологтарды барлық қажетті мәліметтерді жинау үшін Уханьға жіберу керек деп есептейді.

«Менің ойымша, біз Қытайға қатты қысым жасауымыз керек.  Жануарларға, адамдарға, үлгілерге және зертханаларға кедергісіз қол жеткізуі үшін санкция салу маңызды»,— деді ғалым.

«Адырна» ұлттық порталы

Пікірлер