Ташкентте мүмкіндігі шектеулі қызды ұрып-соғып, аяғынан сүюге мәжбүрледі (видео)

2604

Әлеуметтік желілерде мүмкіндігі шектеулі қызға (саңырау және мылқау) зорлық-зомбылық көрсетілген видео тарады, деп хабарлайды «Адырна» ұлттық порталы ГУВД баспасөз қызметіне сілтеме жасап.

Министрліктің хабарлауынша, Ташкентте 25 мамырдан 26 мамырға қараған түні, сағат 03:15-те жедел медициналық мекемеге 24 жастағы Мохизода В.-ның жеткізілгені туралы ақпарат келіп түсті. Оның денесінде жарақат іздері болды.

24 мамырда Мумтозбегим Д. (28 жаста) және оның екі танысы, Диёра Б. (20 жаста) мен Мукаррам М. (23 жаста) Мохизода В-ға зорлық-зомбылық көрсеткен.

Көшеде қалған бойжеткен көмекке мұқтаж екенін өз тілінде түсіндіріп, өтіп бара жатқан жедел жәрдем көлігін тоқтатады. Сонымен қатар ол аяғындағы іздерді көрсетеді.

Оқиғаға қатысушылардың кім екені анықталды, сонымен қатар сот-медициналық сараптама тағайындалды.

Желідегі видеода қызды қарап отырған әйелдің аяғын сүюге мәжбүрлегені көрінеді.

Видеоны осы сілтемеден көре аласыз: https://t.me/TYUZBEK/18633

"Адырна" ұлттық порталы

Пікірлер
Редакция таңдауы