Куратор мен студент селфи жасау кезінде суға батып кетті

2682

Солтүстік Қазақстан облысында куратор мен студент селфи жасау кезінде суға батып кетті,  деп хабарлайды "Адырна" ұлттық порталы дереккөзге сілтеп.

Колледж оқытушысы мен студенті Петропавл маңында бірге суретке түсу кезінде сүрініп, өзенге батып кетті.

"Петропавл қаласының жанындағы демалыс орталығында 1994 және 2001 жылы туылған екі адам суға батып кетті", деп мәлімдеді СҚО ТЖМ.

"М.Жұмабаев атындағы колледждің 4-курс студенттері кеше түстен кейін "Волна" демалыс базасына 12 адаммен жолға шықты. Кураторлары олармен бірге болды. Үстел орындарын да жалға алды. Содан кейін, 16:00-ге таман "Сосновый бор" демалыс базасының маңында суретке түспек болып өзен жағасына барды. Бастапқыда олар суға түсіп, топтық фотосуреттер жасады. Содан кейін негізгі бөлігі жағаға шықты",  деп хабарлайды Солтүстік Қазақстан облысы Төтенше жағдайлар департаменті.

Кафедраның мәліметінше, куратор мен студент селфи жасау үшін суда қалған. Олар белге дейінгі деңгейде суда болған. Кейін қатты ағыстан олар сүрініп, екеуі де судың астына батып кеткен. Курстасы олардың артынан құтқаруға сүңгіп кеткен, бірақ әрекет сәтсіз аяқталды. ТЖМ мәліметінше, ол өзі де соңғы күшімен әрең жағаға шыққан.
17:05-те Солтүстік Қазақстан облысының Төтенше жағдайлар департаментіне хабарлама келіп түсті, 18:15-те оқиға орнына жедел сүңгуірлер тобы келді. Мамандар қыздарды ағыс бойында 5-7 метр тереңдіктен тапты.

"Адырна" ұлттық порталы

Пікірлер
Ұқсас жаңалықтар