БҰҰ-ның Таяу Шығыстағы бейбітшілік процесі жөніндегі арнайы үйлестірушісі Тор Веннесланд оккупацияланған Палестина аумақтарындағы жағдайды қалыпқа келтіруге шақырды. Ол араб-еврей қақтығысының үлкен соғысқа әкелуі мүмкін екенін ескертті.
"Дереу отты тоқтатыңыз. Біз толыққанды соғысқа жақындап келеміз", - деп жазды ол өзінің Твиттерінде.Қазіргі таңда Израильдің әуе шабуылдары салдарынан 115 адам қайтыс болып, 600-і жарақат алды. Айта кетейік, Газа секторының шекарасындағы жағдай дүйсенбі күні кешке шиеленісе түскен болатын. Шығыс Иерусалимде бірнеше күн бойы қақтығыстар жалғасуда.
«Адырна» ұлттық порталы
