Үндістанда дауыл кезіндегі найзағайдан 18 піл өлді, деп хабарлайды "Адырна" ұлттық порталы.
Ормандағы жануарлардың денелерін жақын маңдағы ауыл тұрғындары тапты. Пілдер Ассам штатындағы Гувахати провинциясында табылды.
Үндістан билігі кем дегенде 18 пілдің өлімін тергеп жатыр. Табиғатты қорғаудың жетекші маманы табынның найзағайдан өлді дегеніне күмәнмен қарады.
"Алдын ала зерттеу бойынша пілдердің өлуіне найзағайдың түсуі себеп болуы мүмкін деген болжам жасалды. Дегенмен, біз басқа да улану немесе ауру сынды себептерді сот-медициналық сараптама арқылы анықтауымыз керек", дейді Ассам ормандары және жабайы табиғат министрі Паримал Суклабайдя.
Өлімнің нақты себебі егжей-тегжейлі тергеуден кейін анықталады.
"Адырна" ұлттық порталы
(фото: nat-geo.ru)
