Зидан Реал Мадридтан кететінін айтты

2514

48 жастағы Зинедин Зидан «Реал Мадрид» ойыншыларына маусым соңында бас бапкер қызметінен кететіні туралы айтты, деп хабарлайды "Адырна" ұлттық порталы Vesti.kz сайтына сілтеме жасап.

Француздық бапкер мұны «Севильямен» 2: 2 есебімен аяқталған матч алдында киіну бөлмесінде мәлімдеді.

Ол клубты 2019 жылдың наурызынан бастап басқарып келеді. 2020 жылғы маусымда Зиданның басшылығымен «Реал» Испания чемпионы болды.

Бұған дейін ол жарақат алған ойыншылардан, бұқаралық ақпарат құралдарының сындарынан жалыққаны және кейбір ойыншылар жұлдыз тәлімгерін қолдамайтыны туралы хабарланған болатын. Жағдай Чемпиондар лигасындағы сәтсіздіктен кейін нашарлады, клуб жартылай финалда Челсиден ұтылған болатын.

Кейбір мәліметтер бойынша, Зидан «Ювентустың» бас бапкері болуға басты үміткер.

"Адырна"ұлттық порталы

Пікірлер
Ұқсас жаңалықтар