Бүгін, 13 мамыр күні мемлекет басшысы Қасым-Жомарт Тоқаев Қырғызстан президенті Садыр Жапаровпен телефон арқылы сөйлесті, деп хабарлайды «Адырна» ұлттық порталы.
Телефон арқылы әңгімелесу барысында екі елдің президенттері бір-бірін Ораза айт мейрамымен құттықтады.
Мемлекет басшылары қазақ-қырғыз стратегиялық серіктестігін дамытудың өзекті мәселелерін талқылады. Садыр Жапаровтың биылғы 2-3 наурыз күндері Қазақстанға жасаған мемлекеттік сапарының қорытындысы бойынша қол жеткізілген уағдаластықтардың орындалуына ерекше назар аударылды.
Сонымен қатар Садыр Жапаров гуманитарлық көмек көрсеткені үшін Қасым-Жомарт Тоқаевқа алғыс білдірді.
"Адырна" ұлттық порталы
