Үнділер сиыр көңін коронавирусқа қарсы "дәрі" ретінде қолданып отыр

2013

Үнді дәрігерлері сиыр көңін коронавирусқа қарсы «дәрі» ретінде пайдаланып отыр. Мамандар халықтың басқа да жұқпалы ауруларға шалдығу қаупі бар екенін ескертті, деп хабарлайды «Адырна» тілшісі.

Үндістанда вирус жұқтырғандар саны күн санып өсіп жатыр. Статистикалық мәліметтерге сүйенсек, 23 миллионнан астам адам Covid-19-ды жұқтырып, 250 мыңнан астам адам қайтыс болған. Күніне орта есеппен 330 мың адам ауырады.

Қазіргі таңда елде ауруханалар мен дәрі-дәрмектер жетіспеуде. Сол себепті көптеген адам сиыр көңін қолданып, "дәстүрлі" медицинаға жүгінуге мәжбүр.

Айта кетейік, бұл мемлекетте сиырды қасиетті жануар деп есептейді. Үндістер ғасырлар бойы сиырдың көңін дұға ету рәсімдері үшін қолданып келеді. Сондай-ақ оның емдік қасиеті бар екеніне сенеді.

«Адырна» ұлттық порталы

Пікірлер
Редакция таңдауы