Home » ايدارلار » جاس تالانت » جارتى عاسىرلىق مۋزىكا مەكتەبىنىڭ مەرەيتويى ءوتتى

جارتى عاسىرلىق مۋزىكا مەكتەبىنىڭ مەرەيتويى ءوتتى

بيىل ر.گليەر اتىنداعى №2 بالار مۋزىكا مەكتەبىنە 50 جىل تولىپ وتىر. جۋىردا وسى جىلدار ىشىندە مىڭداعان شاكىرتتىڭ قاناتىن قاتايتقان وقۋ ورداسى جامبىل اتىنداعى قازاق مەملەكەتتىك فيلورمونياسىندا ءوزىنىڭ 50 جىلدىعىنا بايلانىستى، شاكىرتتەرىنىڭ شىعارماشىلىق كەشىن وتكىزدى. وقۋشىلار قازاقتىڭ دومبىرا، سازسىرناي، قوبىز، داۋىلپاز، جەتىگەن، شەرتەر سياقتى ۇلتتىق اسپاپتارمەن قاتار فورتوپيانا، ساكسافون سىندى اسپاپتاردىڭ قۇلاعىندا وينايتىنىن كورسەتتى.

نۇرگۇل اكىمعوجينا، ر.گليەر اتىنداعى مۋزىكا مەكتەبىنىڭ ۇستازى، «ارناۋ» ەتنو-فولكلورلىق ءانسامبلىنىڭ جەتەكشىسى:

– بۇگىن بىزدە ۇلكەن مەرەيتوي. سوندىقتان وسى تويعا سىي رەتىندە مەكتەبىمىزدىڭ ۇستازدارى وزدەرىنىڭ شاكىرتتەرىن اكەلىپ، ونەرلەرىن كورسەتىپ جاتىر. ءبىز دە ءوزىمىزدىڭ جاڭادان قۇرىلعان وركەسترمەن ونەر كورسەتتىك. ودان باسقا دا ۇلتتىق اسپاپتاردى (كونە اسپاپتاردى) ۇيرەتۋ ارقىلى 2009 جىلدان باستاپ كىشكەنتاي بالالاردان «ارناۋ» دەپ اتالاتىن ەتنو-فولكلورلىق انسامبل قۇرعان بولاتىنبىز. سول فولكلورلىق ءانسامبلىمىز دە ءار جانردا ونەرلەرىن كورسەتتى. اتاپ ايتقاندا، توكپە كۇي، شەرپە كۇي، كۇي شاشۋلار وينادى. قازاقستان بويىنشا تۇڭعىش ءۇش ىشەكتى دومبىرا ءانسامبلىن قۇرعان وسى «ارناۋ» ەتنو-فولكلورلىق ءانسامبلى ەكەندىگىن ەسكەرتە كەتەيىن. شاكىرتتەرىم اباي، شاكارىم، شاكىر ابەن ۇلى، شارقىن شاكارىم اتالارىنىڭ ۇستاعان دومبىراسىن فولكلورعا قوسىپ جاقسى ونەر كورسەتتى. تاعى ءبىر ايتا كەتەتىن جايت، «تۇران» ءانسامبلىنىڭ «قازاق ەلى» شىعارماسىن ورىندادى.

glier-3

glier-1glier-2

glier-4


گۇلۆيرا اسقارقىزى،

قازاق مەملەكەتتىك قىزدار پەداگوگيكالىق ۋنيۆەرسيتەتى ونەر جانە مادەنيەت فاكۋلتەتىنىڭ 1-كۋرس ستۋدەنتى.

پىكىر جازۋ

پوچتا جاريالانبايدى. تاڭداۋلى ءورىستى تولتىرىڭىز *

*

x

Check Also

كوشپەلى جادىگەرلەر جاندى جادىراتتى

بيىل مەن 11-سىنىپتى بىتىرەم. دەمەك، قاربالاس ءسات كۇننەن كۇنگە كوبەيمەسە ازايمايتىنى انىق. كۇندەلىكتى قوسىمشا ساباقتار ...