“Жұмабектің бажаларын” полицейлер жазалады

1100

Полицейлер оның бірінші сәуірге арналған әзілін түсінбеді, деп хабарлайды “Адырна” ұлттвқ порталы Pavlodarnews-ке сілтеме жасап.

Облыстық ПД баспасөз қызметінің хабарлауынша, 1 cәуір күні Павлодарда Н.Назарбаев даңғылы бойымен жүріп бара жатқан мемлекеттік тіркеу нөмірлік белгісі жоқ «ВАЗ 2170» автокөлігінің жүргізушісі ұсталған. Ол әзілдеймін деп автокөліктің артқы жағына «Жұмабектің бажасы» деп жазған.

– Жүргізушінің әзілдеуіне қарамастан, полицейлер оған қарсы ҚР ӘҚБтК-нің 590-бабы 2-бөлігі бойынша әкімшілік іс қозғап, 10 АЕК мөлшерінде айыппұл салды. Ал автокөлік айыппұл тұрағына қойылды, – деп хабарлады Павлодар полиция басқармасының бастығы Бек Данияр.

Пікірлер
Редакция таңдауы