Әлемге әйгілі кәсіпкер Илон Маск қазақстандық колледж студенттерімен кездеспек. Бұл туралы Еуропалық экономика және бизнес жоғары колледжінің негізін қалаушы Талғат Төремұратов айтты, деп хабарлайды "Адырна" ұлттық порталы.
Талғат Төремұратов Facebook-парақшасында: «SpaceX компаниясының негізін қалаушы, тең иесі, бас директоры және бас инженері, Tesla компаниясының басы идеялық шабыттандырушысы Илон Маск менеджерімен ұзақ уақытқа созылған хат алмасудан кейін Қазақстанның колледж студенттері үшін ZOOM платформасында кездесуге уағдаластық. Кездесу 2021 жылдың 1 мамырына жоспарланып отыр», - деп жазды.
Сонымен қатар, Төремұратов бұл кездесу жайында еліміздің Білім және ғылым министрлігін алдын ала хабардар ететіндігін де айтты.
