Акцияға келген феминистерге шабуыл жасады

3638
Adyrna.kz Telegram

8-наурыз күні Испанияның Мадрид қаласында халықаралық әйелдер күніне байланысты феминистердің акциясы өтті. Акцияға  100-150 адам қатысқан. Акцияға қатысушыларға бірнеше радикалдық көзқарастағы оңшыл топ өкілдері шабуыл жасаған.  

Акцияны студенттік кәсіподақтар ұйымдастырған.  Акция Испания астанасының орталығындағы Пуэрта-дель-Соль алаңында аяқталды. Пандемиялық жағдайға байланысты акцияны өткізуге тыйым салынғанына қарамастан, акция өтті.

Акция бейбіт түрде ұйымдастырылып, қатысушылар "әйелдерге теңдік" деп ұрандатқан. Алаңға келген оңшыл топтар  акцияға қатысушыларды балағаттап, намыстарына тиетін сөздер айтқан. Екі әйел "Испан фалангасы" партиясының гимнін орындаған. Гимн Испанияда фашистік лозунг ретінде саналады. Артынша оңшыл топтар феминистерге түкіріп, жұдырық сілтеген. Оқиғаның барлығын ондаған журналистер тікелей эфирде көрсеткен. Феминистерге шабуыл жасағандарды жазаға тарту мәселесі көтерілуде.

Асхат ҚАСЕНҒАЛИ,
«Адырна» ұлттық порталы

Пікірлер