Илон Масктың ғарыш кемесі жарылды

1077

Илон Маск командасы ойлап тапқан ғарыш кемесінің прототипі жанып кетті, деп хабарлайды “Адырна” ұлттық порталы.

Илон Маск компаниясы Марсқа ұшу үшін жасап жатқан «Starship SN10» ғарыш кемесінің прототипі қонғаннан кейін бірнеше минуттан соң жарылып кетті.

Сынақтар аясында кеме 10 км биіктікке көтеріліп, содан кейін ұшыру кешенінің жанында орналасқан алаңға қайта түсті. Қону кезінде Starship корпусының бір бөлігі жалынға оранды.

Еске сала кетейік, бұған дейін бұл ғарыш кемесінің алдыңғы екі прототипі де жерге қонар сәтте жарылған еді.

Дина ЛИТПИН,
«Адырна» ұлттық порталы

 

Пікірлер
Редакция таңдауы