Елордада 63 жастағы әже үш баланы аяусыз ұрып-соққан, деп хабарлайды «Адырна» тілшісі «Хабар 24»-ке сілтеме жасап.
Оқиға Нұр-Сұлтан қаласындағы көпқабатты үйлердің бірінде болған. Кейуана осылайша 6 жастағы немересін ұрғандардан кек алдым дейді.
Айта кетейік, өткен сенбіде қала тұрғыны полиция департаментіне үш баласы үйге жарақатпен оралғанын айтып шағымданған. Тәртіп сақшылары айыпталушы әйелмен профилактикалық әңгіме жүргізді. Сондай-ақ осы оқиғаға байланысты Нұр-Сұлтан қаласының полиция департаменті тұрғындарға ескерту жасап, біреудің денсаулығына зиян келтіргендер әкімшілік жауапкершілікке тартылатынын айтып өтті.
«Адырна» ұлттық порталы
