Әлеуметтік желіде өз сүйкімді келбетімен танымал Димаш Әділет ауруханаға түсіп қалды, деп хабарлайды "Адырна" ұлттық порталы.
Өз жазбасында:
«Дәл сол кезде мен салмағы 16 келі болатын итімді көтеріп, табалдырықтан түсіп келе жаттым. Итімнің буындары әлсіз болғандықтан, өздігінен түсе алмайтын. Қолым бос болмағандықтан, қоршаудан ұстай алмадым. Аяғым тайып кетіп, оңбай құладым. Орнымнан тұра алмадым. Жедел жәрдем келіп, жігіттер омыртқаның төменгі бөлігі мен құймышақ сынған болуы мүмкін екенін айтты.
Сегіз сағат ауруханада болдым. Ауруханада шешілмеген мәселе көп екен. Дегенмен жақсы қарады. Бақытыма орай, омыртқа мен құймышақ аман екен».
