Талғар ауданының әкімі 10 миллион теңге пара алған

1145

Алматы облысы Талғар ауданының әкімі Серікжан Ерекешев пара алды деген күдікпен ұсталды, деп хабарлайды «Адырна» тілшісі.

Бұған дейін Серікжан Ерекешевті ТКШ бөлімінің орынбасары және бастығымен бірге ұстағаны хабарланған еді. Шенеуніктер мердігер ұйым директорынан орындалған жұмыстар актісіне қол қойғаны үшін 10 миллион теңге пара алды деген күдікке ілінді.

«Алматы облысы бойынша Сыбайлас жемқорлыққа қарсы қызмет Талғар ауданы әкімдігінің лауазымды тұлғаларына қатысты пара алу фактісі бойынша сотқа дейінгі тергеу жүргізіп жатқанын хабарлаймыз. Талғар ауданының әкіміне қатысты тергеу соты "күзетпен ұстау" бұлтартпау шарасын санкциялады. Сотқа дейінгі тергеудің өзге де деректері жария етуге жатпайды»,- деді ведомствода.

«Адырна» ұлттық порталы

Пікірлер
Редакция таңдауы