Алматы қаласының бас мемлекеттік санитарлық дәрігері Жандарбек Бекшин коронавирусқа қарсы вакцина салдырды, деп хабарлайды «Адырна» тілшісі.
«Ешқандай алаңдаушылық жоқ. Бұл вакцина қауіпсіздіктің бірінші кезеңінен өтті. Ресейде екі миллионнан астам адам егілді. Мен вакцинаның сапалы екеніне сенімдімін", - деді ол вакцинация алдында.
Сондай-ақ, қала әкімінің орынбасары Ержан Бабақұмаров пен қалалық денсаулық сақтау басқармасының бастығы Нариман Табынбаев та алғашқылардың бірі болып «Спутник V» вакцинасын салдырды.
«Адырна» ұлттық порталы
