Биыл Шымкент қаласы Абай ауданында көп қабатты 222 тұрғын үйдің ауласы абаттандырылып, балаларға арналған ойын алаңшалары орнатылуда. Бұл жөнінде аудан әкімі Бұхарбай Парманов баяндады.
Аудандағы 453 көпқабатты тұрғын үйлер 258 аулаға біріктірілген. Бүгінгі таңға дейін 222 аула абаттандырылып, 58 спорт алаңшасы салынған. Ал бұл жылы 107 аулаға ойын алаңшаларын орнатуға, 6 спорт алаңшасын салуға, 24 спорт алаңшасын ағымдағы жөндеуге қаржы бөлінген.
Одан өзге, алдағы уақытта 36 көпқабатты тұрғын үй ауласы абаттандырылып, жаңадан 42 спорт алаңшасы салынады. Сондай-ақ, тозығы жеткен 18 спорт алаңшасына ағымдағы жөндеу жұмыстары жүргізілмек.
Шымкент қаласы әкімінің баспасөз қызметі
