23 жастағы Еркінай Есенбаева алты баланың анасы атанды, деп хабарлайды «Адырна» ұлттық порталы Түркістан облысы әкімінің баспасөз қызметіне сілтеме жасап.
Тұңғышын 18 жасында басанған Сарыағаштық келіншек №1 облыстық перинаталды орталықта дүниеге үшем алып келді.
Дәрігерлердің айтуынша, жүкті әйелдің денсаулығы сыр беріп, сәбилерін мерзімінен ерте - сегіз айда босанған. Екі ұл мен бір қызды өмірге алып келген жас ана мен нәрестелердің қазіргі жағдайы жақсы және дәрігерлердің арнайы күтімінде. Ата-ана отбасы мүшелерімен ақылдаса келе нәрестелерге Ақжан, Маржан және Бақжан есімдерін берген.
«Адырна» ұлттық порталы
