АҚШ президенті Дональд Трамп соңғы он жылда федералды табыс салығын төлемеген, деп хабарлайды «Адырна» ұлттық порталы New York Times газетіне сілтеме жасап.
Басылымның хабарлауынша, Трамп
2016-2017 жылдары жылдық кірісі үшін 750 доллар ғана салық төлеген. Бұл президенттің 300 миллион көлемінде қарызы барын көрсетеді.
«Ол соңғы 10 жылда табыс салығын мүлдем төлемеген. Ақ үй басшысы табысына қарағанда шығыны көп екенін хабарлаған», - деп жазды газет.
Trump Organization қорғаушысы Алан Гартен келтірілген фактілердің барлығы болмаса да, көпшілігінің дұрыс емес екенін атап өтті. Гартеннің айтуы бойынша, соңғы он жыл ішінде Трамп ондаған миллион доллар жеке салық төлеген.
«Адырна» ұлттық порталы
