Лукашенко Беларуссияның басты проблемасын атады

1337

Беларусь Президенті Александр Лукашенко Минскідегі жиналыста республиканың басты мәселесін атады деп хабарлайды, «РИА Новости» ақпараттық агенттігі.

   "Мен ылғи да айтамын және тағы да еске салғым келеді, біздің басты міндетіміз, басты проблемамыз, алаңдататын бұл —  экономика. Бізде экономика бар, демек қалғанының бәрі болады. Экономика болмаса, сонда идеологияға да, қауіпсіздікке де, елдегі тыныштыққа да сенудің қажеті жоқ", — деп мәлімдеді Мемлекет басшысы.

Оның айтуынша, соңғы уақытта билік "экономика қалыпты жұмыс жасауы үшін" көп істер атқарды.

  Президент Ресеймен үкіметаралық консультациялар мен қол жеткізген келісімдер Беларусь экономикасы үшін "оң нәтиже береді" деп санайды.

  Еске сала кетсек, Беларуссияда оппозицияның жаппай наразылық акциялары 9 тамызда басталған болатын. ОСК мәліметтері бойынша, қазіргі көшбасшы Александр Лукашенко 80,1% дауыс жинап, президент тағына 6 мәрте отырды. Оппозиция сайлауда Лукашенко емес, Светлана Тихоновская жеңді деп санайды.

«Адырна» ұлттық порталы

Пікірлер
Редакция таңдауы